bas ek jahan-e-tahayyur se aane wala hai

Ahmad Shanas

bas ek jahan-e-tahayyur se aane wala hai

Ahmad Shanas

MORE BYAhmad Shanas

    bas ik jahān-e-tahayyur se aane vaalā hai

    vo ajnabī mujhe apnā banāne vaalā hai

    gulāb sañg sūrat dikhāne vaalā hai

    kahāñ kahāñ vo mujhe āzmāne vaalā hai

    koī to dekhne vaalā hai merī āñkhoñ se

    koī to hai jo tamāsha dikhāne vaalā hai

    ye chāñd aur sitāre to ik bahāna haiñ

    kuchh aur hai jo yahāñ jagmagāne vaalā hai

    har ek jism yahāñ ruuh alāmat hai

    ye regzār bhī naġhma sunāne vaalā hai

    bas ik savāl taḳhlīq hai bashar jaise

    kahāñ se aayā hai kis or jaane vaalā hai

    use ḳhabar hai kahāñ raushnī māḳhaz hai

    vo tīrgī meñ diloñ ko jalāne vaalā hai

    amiir us amānat uThā nahīñ saktā

    faqīr asal meñ us ḳhazāne vaalā hai

    vo ek pyaas lamha jo mere andar hai

    kabhī kabhī to samundar luTāne vaalā hai

    vo ḳhāksār ko detā hai phuul hisse meñ

    vo sang-zār meñ dariyā bahāne vaalā hai

    bahut aziiz hai zer-o-zabar khel use

    bujhā bujhā ke tamannā jagāne vaalā hai

    vo ek gauhar-e-yaktā hai mere sāgar meñ

    vo ek ashk ki āñkhoñ meñ aane vaalā hai

    samar ko bāñdh ke rakhtā hai vo daraḳhtoñ par

    jo pak gayā use nīche girāne vaalā hai

    vo apne aap ghar lauT aa.egā 'ahmad'

    kisī ko kaun hamesha bulāne vaalā hai

    bas ek jahan-e-tahayyur se aane wala hai

    wo ajnabi mujhe apna banane wala hai

    gulab sang ki surat dikhane wala hai

    kahan kahan wo mujhe aazmane wala hai

    koi to dekhne wala hai meri aankhon se

    koi to hai jo tamasha dikhane wala hai

    ye chand aur sitare to ek bahana hain

    kuchh aur hai jo yahan jagmagane wala hai

    har ek jism yahan ruh ki alamat hai

    ye regzar bhi naghma sunane wala hai

    bas ek sawal ki taKHliq hai bashar jaise

    kahan se aaya hai kis or jaane wala hai

    use KHabar hai kahan raushni ka maKHaz hai

    wo tirgi mein dilon ko jalane wala hai

    amir us ki amanat uTha nahin sakta

    faqir asal mein us ka KHazane wala hai

    wo ek pyas ka lamha jo mere andar hai

    kabhi kabhi to samundar luTane wala hai

    wo KHaksar ko deta hai phul hisse mein

    wo sang-zar mein dariya bahane wala hai

    bahut aziz hai zer-o-zabar ka khel use

    bujha bujha ke tamanna jagane wala hai

    wo ek gauhar-e-yakta hai mere sagar mein

    wo ek ashk ki aankhon mein aane wala hai

    samar ko bandh ke rakhta hai wo daraKHton par

    jo pak gaya use niche girane wala hai

    wo apne aap hi ghar lauT aaega 'ahmad'

    kisi ko kaun hamesha bulane wala hai

    Source :
    • Book : Salsal (Pg. 102)
    • Author : Ahmad Shanas
    • Publication : Rahbar Book Service (2013)
    • Edition : 2013
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY