bas ek KHata ne zindagi ki aisa kaam kar diya

bas ik ḳhatā ne zindagī kī aisā kaam kar diyā

tamām 'umr ke liye namak-harām kar diyā

ḳhudā kā zikr chhoḌ kar zarā jo rizq par gire

ḳhudā ne un kabūtaroñ ko zer-e-dām kar diyā

'urūj aur zavāl kā ye khel bhī 'ajīb hai

kisī ko shaah kar diyā koī ġhulām kar diyā

'azīm tū rahīm tū karīm tū tirā karam

ġhubār-e-ḳhāk ko rahīn-e-ehtirām kar diyā

namāz kī sa'ādateñ navāz kar miyāñ 'sharar'

tumheñ ḳhudā ne do jahāñ meñ shād-kām kar diyā

bas ek KHata ne zindagi ki aisa kaam kar diya

tamam 'umr ke liye namak-haram kar diya

KHuda ka zikr chhoD kar zara jo rizq par gire

KHuda ne un kabutaron ko zer-e-dam kar diya

'uruj aur zawal ka ye khel bhi 'ajib hai

kisi ko shah kar diya koi ghulam kar diya

'azim tu rahim tu karim tu tera karam

ghubar-e-KHak ko rahin-e-ehtiram kar diya

namaz ki sa'adaten nawaz kar miyan 'sharar'

tumhein KHuda ne do jahan mein shad-kaam kar diya