bas is qadar hai KHulasa meri kahani ka
bas is qadar hai ḳhulāsa mirī kahānī kā
ki ban ke TuuT gayā ik habāb paanī kā
milā hai saaqī to raushan huā hai ye mujh par
ki hazf thā koī TukḌā mirī kahānī kā
mujhe bhī chehre pe raunaq dikhā.ī detī hai
ye mo.ajiza hai tabīboñ kī ḳhush-bayānī kā
hai dil meñ ek hī ḳhvāhish vo Duub jaane kī
koī shabāb koī husn hai ravānī kā
libās-e-hashr meñ kuchh ho to aur kyā hogā
bujhā sā ek chhanākā tirī javānī kā
karam ke rañg nihāyat ajiib hote haiñ
sitam bhī ek tarīqa hai mehrbānī kā
'adam' bahār ke mausam ne ḳhud-kushī kar lī
khulā jo rañg kisī jism-e-arġhavānī kā
bas is qadar hai KHulasa meri kahani ka
ki ban ke TuT gaya ek habab pani ka
mila hai saqi to raushan hua hai ye mujh par
ki hazf tha koi TukDa meri kahani ka
mujhe bhi chehre pe raunaq dikhai deti hai
ye moajiza hai tabibon ki KHush-bayani ka
hai dil mein ek hi KHwahish wo Dub jaane ki
koi shabab koi husn hai rawani ka
libas-e-hashr mein kuchh ho to aur kya hoga
bujha sa ek chhanaka teri jawani ka
karam ke rang nihayat ajib hote hain
sitam bhi ek tariqa hai mehrbani ka
'adam' bahaar ke mausam ne KHud-kushi kar li
khula jo rang kisi jism-e-arghawani ka
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
