bas ki ek jins-e-raegan hun main

bas-ki ik jins-e-rā.egāñ huuñ maiñ

jitnā arzāñ bikūñ girāñ huuñ maiñ

na yahāñ aur na ab vahāñ huuñ maiñ

kyā batā.ūñ tumheñ jahāñ huuñ maiñ

yaad meñ hai kisī kī istiġhrāq

kaun pahuñche vahāñ jahāñ huuñ maiñ

madad ai naġhma-sanjī-e-bulbul

kab se gum-karda āshiyāñ huuñ maiñ

Dhab hai ye yaar tak pahuñchne kā

kaash qāsid hī kā bayāñ huuñ maiñ

nai kī mānind ḳhushk haiñ a.azā

kyuuñ na sar-tā-ba-pā fuġhāñ huuñ maiñ

lutf paayā hai ḳhāksārī meñ

huuñ zamīñ go ki āsmāñ huuñ maiñ

kis ne jalva dikhā diyā hai aaj

zamzama-sanj-e-al-amāñ huuñ maiñ

tā-kujā tez-gāmiyāñ bas kar

tausan-e-shauq ham-ināñ huuñ maiñ

gard detī hai kārvāñ kā patā

yādgār-e-guzishtagāñ huuñ maiñ

jaan kyūñkar nisār-e-maqdam ho

ab vo aa.e ki nīm-jāñ huuñ maiñ

kyā nahīñ yaad barq kā girnā

phir banātā jo āshiyāñ huuñ maiñ

ye safar dekhiye kahāñ ho tamām

misl-e-reg-e-ravāñ ravāñ huuñ maiñ

koī is ahd meñ nahīñ hai shafīq

aap apne pe mehrbāñ huuñ maiñ

dekh pachhtā.egā na le ke mujhe

māya-e-nāzish-e-dukāñ huuñ maiñ

ishq meñ sau balā.eñ liiñ sar par

apne haq meñ ḳhud āsmāñ huuñ maiñ

qadr kyuuñ ḳhvān-e-dahr par ho mirī

sach hai nā-ḳhvāñda mehmāñ huuñ maiñ

avval-e-shab hī hijr meñ un ke

DhūñDhtā ḳhanjar-o-sināñ huuñ maiñ

na Talā us ke dar se ai 'majrūh'

dūsrā sañg-e-āstāñ huuñ maiñ

bas-ki ek jins-e-raegan hun main

jitna arzan bikun giran hun main

na yahan aur na ab wahan hun main

kya bataun tumhein jahan hun main

yaad mein hai kisi ki istighraq

kaun pahunche wahan jahan hun main

madad ai naghma-sanji-e-bulbul

kab se gum-karda aashiyan hun main

Dhab hai ye yar tak pahunchne ka

kash qasid hi ka bayan hun main

nai ki manind KHushk hain aaza

kyun na sar-ta-ba-pa fughan hun main

lutf paya hai KHaksari mein

hun zamin go ki aasman hun main

kis ne jalwa dikha diya hai aaj

zamzama-sanj-e-al-aman hun main

ta-kuja tez-gamiyan bas kar

tausan-e-shauq ham-inan hun main

gard deti hai karwan ka pata

yaadgar-e-guzishtagan hun main

jaan kyunkar nisar-e-maqdam ho

ab wo aae ki nim-jaan hun main

kya nahin yaad barq ka girna

phir banata jo aashiyan hun main

ye safar dekhiye kahan ho tamam

misl-e-reg-e-rawan rawan hun main

koi is ahd mein nahin hai shafiq

aap apne pe mehrban hun main

dekh pachhtaega na le ke mujhe

maya-e-nazish-e-dukan hun main

ishq mein sau balaen lin sar par

apne haq mein KHud aasman hun main

qadr kyun KHwan-e-dahr par ho meri

sach hai na-KHwanda mehman hun main

awwal-e-shab hi hijr mein un ke

DhunDhta KHanjar-o-sinan hun main

na Tala us ke dar se ai 'majruh'

dusra sang-e-astan hun main