bas lamhe bhar mein faisla karna paDa mujhe

Adeel Zaidi

bas lamhe bhar mein faisla karna paDa mujhe

Adeel Zaidi

MORE BYAdeel Zaidi

    bas lamhe bhar meñ faisla karnā paḌā mujhe

    sab chhoḌ-chhāḌ ghar se nikalnā paḌā mujhe

    jab apnī sar-zamīn ne mujh ko na panāh

    anjān vādiyoñ meñ utarnā paḌā mujhe

    paañv meñ aable the thakan umr bhar thī

    ruknā thā baiThnā thā pa chalnā paḌā mujhe

    apnī parakh ke vāste tūfāñ ke darmiyāñ

    mazbūt kashtiyoñ se utarnā paḌā mujhe

    terī anā ke haath meñ the tere faisle

    to badal na paayā badalnā paḌā mujhe

    be-intihā tazād thā donoñ soch meñ

    kuchh yuuñ bhī rāste ko badalnā paḌā mujhe

    ye bhī huā ki bā-dil-e-nā-ḳhvāsta kabhī

    zinda haqīqatoñ se mukarnā paḌā mujhe

    yakjā rahā ik umr magar terī diid ko

    mānind-e-musht-e-ḳhāk bikharnā paḌā mujhe

    āġhāz apne bas meñ na anjām 'adīl'

    ik zindagī guzār ke marnā paḌā mujhe

    bas lamhe bhar mein faisla karna paDa mujhe

    sab chhoD-chhaD ghar se nikalna paDa mujhe

    jab apni sar-zamin ne mujh ko na di panah

    anjaan wadiyon mein utarna paDa mujhe

    panw mein aable the thakan umr bhar ki thi

    rukna tha baiThna tha pa chalna paDa mujhe

    apni parakh ke waste tufan ke darmiyan

    mazbut kashtiyon se utarna paDa mujhe

    teri ana ke hath mein the tere faisle

    tu to badal na paya badalna paDa mujhe

    be-intiha tazad tha donon ki soch mein

    kuchh yun bhi raste ko badalna paDa mujhe

    ye bhi hua ki ba-dil-e-na-KHwasta kabhi

    zinda haqiqaton se mukarna paDa mujhe

    yakja raha ek umr magar teri did ko

    manind-e-musht-e-KHak bikharna paDa mujhe

    aaghaz apne bas mein na anjam hi 'adil'

    ek zindagi guzar ke marna paDa mujhe

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY