bas usi ka safar-e-shab mein talabgar hai kya
bas usī kā safar-e-shab meñ talabgār hai kyā
tū hī ai maah mirā hamdam o ġham-ḳhvār hai kyā
tesha-dar-dast umañD aa.ī hai ābādī tamām
sab yahī kahte haiñ dekheñ pas-e-dīvār hai kyā
haañ isī lamhe meñ hotā hai sitāroñ kā nuzūl
shahr-e-ḳhvābīda meñ koī dil-e-bedār hai kyā
jism to jism hai majrūh huī hai jaañ bhī
apnoñ ke hote hue shikva-e-aġhyār hai kyā
thartharī pattoñ pe hai dard-ba-jāñ haiñ kaliyāñ
tū bhī ai bād-e-sahar darpia.e-āzār hai kyā
lab hilāne kī sakat hai na qadam uThte haiñ
sāmne jo bhī hai daldal meñ giraftār hai kyā
bas usi ka safar-e-shab mein talabgar hai kya
tu hi ai mah mera hamdam o gham-KHwar hai kya
tesha-dar-dast umanD aai hai aabaadi tamam
sab yahi kahte hain dekhen pas-e-diwar hai kya
han isi lamhe mein hota hai sitaron ka nuzul
shahr-e-KHwabida mein koi dil-e-bedar hai kya
jism to jism hai majruh hui hai jaan bhi
apnon ke hote hue shikwa-e-aghyar hai kya
tharthari patton pe hai dard-ba-jaan hain kaliyan
tu bhi ai baad-e-sahar darpiae-azar hai kya
lab hilane ki sakat hai na qadam uThte hain
samne jo bhi hai daldal mein giraftar hai kya
Source:
khvaab ravaan (Pg. 49)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
