bayan mein tere har tarz-e-bayan gum

Anjum Rumani

bayan mein tere har tarz-e-bayan gum

Anjum Rumani

MORE BYAnjum Rumani

    bayāñ meñ tere har tarz-e-bayāñ gum

    fasāne meñ mire har dāstāñ gum

    na ham gum haiñ na terā āstāñ gum

    magar kuchh silsila hai darmiyāñ gum

    ajab andāz-e-az-ḳhud-raftagī hai

    bharī mahfil meñ sab ke darmiyāñ gum

    rahī sahrā-ba-sahrā terī manzil

    hue manzil-ba-manzil kārvāñ gum

    ravāna kārvāñ sālār nāpaid

    safīna bād-e-paimā bādbāñ gum

    qarīb-o-dūr vahm-e-nā-rasā.ī

    kabhī manzil kabhī ḳhud kārvāñ gum

    hue 'anjum' sahar justujū meñ

    misāl-e-lukka-e-abr-e-ravāñ gum

    bayan mein tere har tarz-e-bayan gum

    fasane mein mere har dastan gum

    na hum gum hain na tera aastan gum

    magar kuchh silsila hai darmiyan gum

    ajab andaz-e-az-KHud-raftagi hai

    bhari mahfil mein sab ke darmiyan gum

    rahi sahra-ba-sahra teri manzil

    hue manzil-ba-manzil karwan gum

    rawana karwan salar napaid

    safina baad-e-paima baadban gum

    qarib-o-dur wahm-e-na-rasai

    kabhi manzil kabhi KHud karwan gum

    hue 'anjum' sahar ki justuju mein

    misal-e-lukka-e-abr-e-rawan gum

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY