be-amal phul-phal nahin sakte

be-amal phūl-phal nahīñ sakte

jaise ma.azūr chal nahīñ sakte

aag gulzār ho to saktī hai

aag par ham hī chal nahīñ sakte

ham se pahle chale to haiñ kuchh log

ham se aage nikal nahīñ sakte

but-kade ke hoñ yā haram ke charāġh

be-jalā.e to jal nahīñ sakte

kaun mānegā apnī sachchā.ī

ham havāoñ pe chal nahīñ sakte

log duniyā badalnā chāhte haiñ

aur ḳhud ko badal nahīñ sakte

ḳhaak ujāloñ kī tarah phaileñge

jo charāġhoñ sā jal nahīñ sakte

maut anjām kyoñ na ho 'zebā'

ham irāde badal nahīñ sakte

be-amal phul-phal nahin sakte

jaise mazur chal nahin sakte

aag gulzar ho to sakti hai

aag par hum hi chal nahin sakte

hum se pahle chale to hain kuchh log

hum se aage nikal nahin sakte

but-kade ke hon ya haram ke charagh

be-jalae to jal nahin sakte

kaun manega apni sachchai

hum hawaon pe chal nahin sakte

log duniya badalna chahte hain

aur KHud ko badal nahin sakte

KHak ujalon ki tarah phailenge

jo charaghon sa jal nahin sakte

maut anjam kyon na ho 'zeba'

hum irade badal nahin sakte