be-chehragi-e-zat ka mafhum rahe hain

be-chehragī-e-zāt kā mafhūm rahe haiñ

ham halqa-bagoshoñ meñ bhī mādūm rahe haiñ

tum nāsiya-farsā.ī ko dar DhūñDne jaao

ham naqsh-e-kaf-e-pā-e-anā chuum rahe haiñ

ham shā.ir-e-akbar kī fasāhat ke nagīne

har rang meñ har ruup meñ manzūm rahe haiñ

kyā mo.ajiza is ḳhaak se phūTegā jahāñ log

paanī se nahīñ pyaas se mahrūm rahe haiñ

ai dast-e-yaqīñ lams tayaqqun kā atā kar

ik arse se ham nuqta-e-mauhūm rahe haiñ

ab kaun ye samjhegā 'safar' bar-sar-e-maqtal

ham larza-bar-andām haiñ yā jhuum rahe haiñ

be-chehragi-e-zat ka mafhum rahe hain

hum halqa-bagoshon mein bhi madum rahe hain

tum nasiya-farsai ko dar DhunDne jao

hum naqsh-e-kaf-e-pa-e-ana chum rahe hain

hum shair-e-akbar ki fasahat ke nagine

har rang mein har rup mein manzum rahe hain

kya moajiza is KHak se phuTega jahan log

pani se nahin pyas se mahrum rahe hain

ai dast-e-yaqin lams tayaqqun ka ata kar

ek arse se hum nuqta-e-mauhum rahe hain

ab kaun ye samjhega 'safar' bar-sar-e-maqtal

hum larza-bar-andam hain ya jhum rahe hain