be-hifazat hi mera ganj-e-maani rah gaya
be-hifāzat hī mirā ganj-e-ma.ānī rah gayā
ret par likh kar maiñ ḳhud apnī kahānī rah gayā
chal diye sab dost mujh ko Dūbtā hī chhoḌ kar
ġham baTāne ke liye dariyā kā paanī rah gayā
jab kabhī kholī hai maiñ ne biite lamhoñ kī kitāb
der tak paḌhtā maiñ tahrīreñ purānī rah gayā
jhaḌ ga.e patte mire jitne mirī shāḳhoñ pe the
ban ke apnī ek dhuñdlī sī nishānī rah gayā
jam gayā hai barf kī sūrat mirā saarā badan
duur mujh se duur sūraj āñ-jahānī rah gayā
lafz thak kar so ga.e kāġhaz ke pahlū meñ magar
jāgtā anjum mirā husn-e-ma.ānī rah gayā
be-hifazat hi mera ganj-e-maani rah gaya
ret par likh kar main KHud apni kahani rah gaya
chal diye sab dost mujh ko Dubta hi chhoD kar
gham baTane ke liye dariya ka pani rah gaya
jab kabhi kholi hai main ne bite lamhon ki kitab
der tak paDhta main tahriren purani rah gaya
jhaD gae patte mere jitne meri shaKHon pe the
ban ke apni ek dhundli si nishani rah gaya
jam gaya hai barf ki surat mera sara badan
dur mujh se dur suraj aan-jahani rah gaya
lafz thak kar so gae kaghaz ke pahlu mein magar
jagta anjum mera husn-e-maani rah gaya
Source:
Rooh-e-Ghazal,Pachas Sala Intekhab (Pg. 578)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
