be-KHudi hai na hoshiyari hai
be-ḳhudī hai na hoshiyārī hai
bāda-ḳhvārī sī bāda-ḳhvārī hai
husn masrūf-e-parda-dārī hai
jaane ab kis nazar kī baarī hai
tū ne dekhī to hogī ai nāseh
vo mohabbat jo iḳhtiyārī hai
kam nahīñ shorish-e-nafas lekin
zindagī par jumūd taarī hai
ġham-e-ulfat to dil se haar chukā
ab ġham-e-zindagī kī baarī hai
jis chaman meñ kabhī na aa.e bahār
us chaman kī ḳhizāñ bhī pyārī hai
haa.e vo bāda-kash ki jis ne 'shakīl'
zindagī be piye guzārī hai
be-KHudi hai na hoshiyari hai
baada-KHwari si baada-KHwari hai
husn masruf-e-parda-dari hai
jaane ab kis nazar ki bari hai
tu ne dekhi to hogi ai naseh
wo mohabbat jo iKHtiyari hai
kam nahin shorish-e-nafas lekin
zindagi par jumud tari hai
gham-e-ulfat to dil se haar chuka
ab gham-e-zindagi ki bari hai
jis chaman mein kabhi na aae bahaar
us chaman ki KHizan bhi pyari hai
hae wo baada-kash ki jis ne 'shakil'
zindagi be piye guzari hai
Source:
Kulliyat-e-Shakiil Badaayuuni (Pg. 525)
- Author: Shakiil Badaayuuni
-
- Publisher: Farid Book Depot (Pvt.) Ltd
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
