be-KHudi mein ajab maza dekha

Shah Aasim

be-KHudi mein ajab maza dekha

Shah Aasim

MORE BY Shah Aasim

    be-ḳhudī meñ ajab mazā dekhā

    sirr-e-maḳhfī ko barmalā dekhā

    aap gul aap bulbul

    us ko har rañg-āshnā dekhā

    kahtā hai aap samjhe bhī hai aap

    us ko har shai meñ ḳhud-numā dekhā

    sūrat-e-qais maiñ huā majnūñ

    shakl-e-lailā meñ ḳhushnumā dekhā

    aap ban ke iisā aur murda

    aap aap ko jilā dekhā

    ho bar-afroḳhta ba-sūrat-e-sham.a

    shakl-e-parvāna meñ jalā dekhā

    sāġhar-e-be-ḳhudī se ho sarshār

    ham ne har shai meñ ab ḳhudā dekhā

    ālam-e-ishq meñ kaheñ kyā ham

    jalva-e-husn jā-ba-jā dekhā

    faiz-e-ḳhādim safī se ai 'āsim'

    us ko dekhā jise na thā dekhā

    be-KHudi mein ajab maza dekha

    sirr-e-maKHfi ko barmala dekha

    aap hi gul hi aap hi bulbul

    us ko har rang-ashna dekha

    kahta hai aap samjhe bhi hai aap

    us ko har shai mein KHud-numa dekha

    surat-e-qais main hua majnun

    shakl-e-laila mein KHushnuma dekha

    aap hi ban ke isa aur murda

    aap hi aap ko jila dekha

    ho bar-afroKHta ba-surat-e-shama

    shakl-e-parwana mein jala dekha

    saghar-e-be-KHudi se ho sarshaar

    hum ne har shai mein ab KHuda dekha

    aalam-e-ishq mein kahen kya hum

    jalwa-e-husn ja-ba-ja dekha

    faiz-e-KHadim safi se ai 'asim'

    us ko dekha jise na tha dekha

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites