be-mehr-o-wafa hai wo dil-aram hamara

Shah Naseer

be-mehr-o-wafa hai wo dil-aram hamara

Shah Naseer

MORE BYShah Naseer

    be-mehr-o-vafā hai vo dil-ārām hamārā

    kyā jaane kyā hovegā anjām hamārā

    kyā qahr hai auroñ se vo miltā phire zālim

    aur muft meñ ab naam hai bad-nām hamārā

    ai āb-e-dam-e-teġh-e-sitam-kash bujhā pyaas

    hotā hai tirī chaah meñ ab kaam hamārā

    labrez kar is daur meñ ai sāqī-e-kam-zarf

    mat rakh mai-e-gulgūñ se tahī jaam hamārā

    kis tarah nikal bhāgūñ maiñ ab aañkh bachā kar

    sad chashm se yaañ hai nigarāñ daam hamārā

    ye zulf-o-ruḳh-e-yār hai ai shaiḳh o barahman

    billāh yahāñ kufr aur islām hamārā

    bai.at irāda hai tire silsile meñ juuñ

    shāna hai ab ai zulf-e-siyah-fām hamārā

    us shoḳh talak koī na pahuñchā sakā hamdam

    juz-huqqa yahāñ bosa ba-paiġhām hamārā

    kyā kahiye kis andāz se sharmā.e hai vo shoḳh

    taqrīban agar le hai koī naam hamārā

    sayyād se kahte the ki be-bāl-o-parī meñ

    āzād na kar bad hai kuchh anjām hamārā

    parvāz tāqat nahīñ yaañ tā-sar-e-dīvār

    kyūñkar ho pahuñchnā ba-lab-e-bām hamārā

    is ishq meñ jiite nahīñ bachne ke 'nasīr' aah

    ho jā.egā ik roz yuuñ kaam hamārā

    be-mehr-o-wafa hai wo dil-aram hamara

    kya jaane kya howega anjam hamara

    kya qahr hai auron se wo milta phire zalim

    aur muft mein ab nam hai bad-nam hamara

    ai aab-e-dam-e-tegh-e-sitam-kash bujha pyas

    hota hai teri chah mein ab kaam hamara

    labrez kar is daur mein ai saqi-e-kam-zarf

    mat rakh mai-e-gulgun se tahi jam hamara

    kis tarah nikal bhagun main ab aankh bacha kar

    sad chashm se yan hai nigaran dam hamara

    ye zulf-o-ruKH-e-yar hai ai shaiKH o barahman

    billah yahan kufr aur islam hamara

    baiat ka irada hai tere silsile mein jun

    shana hai ab ai zulf-e-siyah-fam hamara

    us shoKH talak koi na pahuncha saka hamdam

    juz-huqqa yahan bosa ba-paigham hamara

    kya kahiye kis andaz se sharmae hai wo shoKH

    taqriban agar le hai koi nam hamara

    sayyaad se kahte the ki be-baal-o-pari mein

    aazad na kar bad hai kuchh anjam hamara

    parwaz ki taqat nahin yan ta-sar-e-diwar

    kyunkar ho pahunchna ba-lab-e-baam hamara

    is ishq mein jite nahin bachne ke 'nasir' aah

    ho jaega ek roz yun hi kaam hamara

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY