be-mehri-e-arbab-e-watan kam to nahin hai

be-mehrī-e-arbāb-e-vatan kam to nahīñ hai

haañ dekhnā is dil kī chubhan kam to nahīñ hai

manzil to jahāñ chāheñge qadmoñ se lagegī

vaise ye haqīqat hai thakan kam to nahīñ hai

ye dhyān hamesha rahe o bhūlne vaale

chhāloñ kī tapish dil kī jalan kam to nahīñ hai

phir ho koī paimāñ kareñ phir tujh pe bharosa

ye hausla ai ahd-shikan kam to nahīñ hai

raste meñ zarā ham-safaro dekhte rahnā

kāñToñ ke bichhāne kā chalan kam to nahīñ hai

rakhtī hai ḳhayāl is kā bahut kuchh mirī taqdīr

pahle se mire dil kī kuḌhan kam to nahīñ hai

vo ġham hai ki yak-gūna asīrī kā hai aalam

ye sarzanish-e-ranj-o-mehan kam to nahīñ hai

kyā baat hai ab tak jo salāmat hai nasheman

kuchh be-ruḳhī-e-ahl-e-chaman kam to nahīñ hai

ye kah ke tujhe DhūñDegī duniyā 'shafaq' ik roz

mahfil meñ koī sāhab-e-fan kam to nahīñ hai

be-mehri-e-arbab-e-watan kam to nahin hai

han dekhna is dil ki chubhan kam to nahin hai

manzil to jahan chahenge qadmon se lagegi

waise ye haqiqat hai thakan kam to nahin hai

ye dhyan hamesha rahe o bhulne wale

chhaalon ki tapish dil ki jalan kam to nahin hai

phir ho koi paiman karen phir tujh pe bharosa

ye hausla ai ahd-shikan kam to nahin hai

raste mein zara ham-safaro dekhte rahna

kanTon ke bichhane ka chalan kam to nahin hai

rakhti hai KHayal is ka bahut kuchh meri taqdir

pahle se mere dil ki kuDhan kam to nahin hai

wo gham hai ki yak-guna asiri ka hai aalam

ye sarzanish-e-ranj-o-mehan kam to nahin hai

kya baat hai ab tak jo salamat hai nasheman

kuchh be-ruKHi-e-ahl-e-chaman kam to nahin hai

ye kah ke tujhe DhunDegi duniya 'shafaq' ek roz

mahfil mein koi sahab-e-fan kam to nahin hai