be-nawai ne meri had se guzar jaane diya

Arman Najmi

be-nawai ne meri had se guzar jaane diya

Arman Najmi

MORE BYArman Najmi

    be-navā.ī ne mirī had se guzar jaane diyā

    vo jo mujh se chāhtā thā maiñ ne kar jaane diyā

    phir kuredā aur jī-bhar kar namak-pāshī bhī

    pahle us ne mere dil ke zaḳhm bhar jaane diyā

    rok kar rasta batā dete ki ḳhud ko jaan le

    tum ne kaise us ko ḳhud se be-ḳhabar jaane diyā

    ab ḳhatā-kārī se koī rokne vaalā nahīñ

    ruuh zinda sadā ko maiñ ne mar jaane diyā

    jaan baazī lagā kar bhī bachā laate use

    tum ne gahre pāniyoñ meñ kyuuñ utar jaane diyā

    kaisī ārā.ish huī be-shāna-o-be-ā.ina

    gesuoñ ko us ne bikhrā kar sañvar jaane diyā

    faisla Taltā rahā shunavā.ī tāḳhīr se

    ḳhud adālat ne gavāhoñ ko mukar jaane diyā

    vo to aayā thā jalā kar apnī saarī kashtiyāñ

    tum ne kis dil se use bā-chashm-e-tar jaane diyā

    be-nawai ne meri had se guzar jaane diya

    wo jo mujh se chahta tha main ne kar jaane diya

    phir kureda aur ji-bhar kar namak-pashi bhi ki

    pahle us ne mere dil ke zaKHm bhar jaane diya

    rok kar rasta bata dete ki KHud ko jaan le

    tum ne kaise us ko KHud se be-KHabar jaane diya

    ab KHata-kari se koi rokne wala nahin

    ruh ki zinda sada ko main ne mar jaane diya

    jaan ki bazi laga kar bhi bacha late use

    tum ne gahre paniyon mein kyun utar jaane diya

    kaisi aaraish hui be-shana-o-be-aina

    gesuon ko us ne bikhra kar sanwar jaane diya

    faisla Talta raha shunawai ki taKHir se

    KHud adalat ne gawahon ko mukar jaane diya

    wo to aaya tha jala kar apni sari kashtiyan

    tum ne kis dil se use ba-chashm-e-tar jaane diya

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY