be-niyaz-e-bahaar sa kyun hai

be-niyāz-e-bahār sā kyuuñ hai

dil ko zaḳhmoñ se pyaar sā kyuuñ hai

vo ḳhafā haiñ ki ham ġharīboñ ko

ġham pe kuchh iḳhtiyār sā kyuuñ hai

merī āñkhoñ ke ḳhvāb to ġham haiñ

vo magar be-qarār sā kyuuñ hai

aks us meñ thā kis ke chehre kā

aa.ina sañgsār sā kyuuñ hai

āhaTeñ paas aa ke duur huiiñ

ham ko phir intizār sā kyuuñ hai

kyā koī sandalī mahak sī uḌī

dil mirā pur-ḳhumār sā kyuuñ hai

zindagī talḳh hai bahut 'anjum'

phir bhī zālim se pyaar sā kyuuñ hai

be-niyaz-e-bahaar sa kyun hai

dil ko zaKHmon se pyar sa kyun hai

wo KHafa hain ki hum gharibon ko

gham pe kuchh iKHtiyar sa kyun hai

meri aankhon ke KHwab to gham hain

wo magar be-qarar sa kyun hai

aks us mein tha kis ke chehre ka

aaina sangsar sa kyun hai

aahaTen pas aa ke dur huin

hum ko phir intizar sa kyun hai

kya koi sandali mahak si uDi

dil mera pur-KHumar sa kyun hai

zindagi talKH hai bahut 'anjum'

phir bhi zalim se pyar sa kyun hai