be-niyaz naghma-e-duniya hun main
be-niyāz naġhma-e-duniyā huuñ maiñ
apne dil kī dhaḌkaneñ suntā huuñ maiñ
vādī-e-qirtās meñ bahtā huuñ maiñ
ābshār-e-fikr kā dariyā huuñ maiñ
dīda-e-be-ḳhvāb anjum kī tarah
rut koī ho jāgtā rahtā huuñ maiñ
aa.ine ke rū-ba-rū hairān huuñ
jaane kis kā gum-shuda chehra huuñ maiñ
sar-bulandī kyuuñ na ho mujh ko 'atā
apne sar maañ kī du'ā rakhtā huuñ maiñ
jaane kyuuñ ḳhud bhī nigāhoñ kī tarah
un kī rāhoñ meñ bichhā jaatā huuñ maiñ
vo mujhe bahlā rahe haiñ yuuñ 'valī'
jaise koī nā-samajh bachcha huuñ maiñ
be-niyaz naghma-e-duniya hun main
apne dil ki dhaDkanen sunta hun main
wadi-e-qirtas mein bahta hun main
aabshaar-e-fikr ka dariya hun main
dida-e-be-KHwab anjum ki tarah
rut koi ho jagta rahta hun main
aaine ke ru-ba-ru hairan hun
jaane kis ka gum-shuda chehra hun main
sar-bulandi kyun na ho mujh ko 'ata
apne sar man ki du'a rakhta hun main
jaane kyun KHud bhi nigahon ki tarah
un ki rahon mein bichha jata hun main
wo mujhe bahla rahe hain yun 'wali'
jaise koi na-samajh bachcha hun main
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
