be-parda ho ke jab wo lab-e-baam aa gaya

be-parda ho ke jab vo lab-e-bām aa gayā

āñkhoñ pe merī diid kā ilzām aa gayā

tā-sub.h karvaTeñ hī badalte raheñge ham

un kā agar ḳhayāl sar-e-shām aa gayā

bebākiyoñ pe un kī kisī ne nazar na kī

merī nigāh-e-shauq pe ilzām aa gayā

is daur meñ bahut hī ġhanīmat kaho use

dukh meñ agar kisī ke koī kaam aa gayā

kitnī hamārī umr-e-mohabbat thī muḳhtasar

āġhāz hī kiyā thā ki anjām aa gayā

duniyā ke ġham bhī ham ne usī meñ Dubo diye

'amjad' nigāh-e-nāz kā jab jaam aa gayā

be-parda ho ke jab wo lab-e-baam aa gaya

aankhon pe meri did ka ilzam aa gaya

ta-subh karwaTen hi badalte rahenge hum

un ka agar KHayal sar-e-sham aa gaya

bebakiyon pe un ki kisi ne nazar na ki

meri nigah-e-shauq pe ilzam aa gaya

is daur mein bahut hi ghanimat kaho use

dukh mein agar kisi ke koi kaam aa gaya

kitni hamari umr-e-mohabbat thi muKHtasar

aaghaz hi kiya tha ki anjam aa gaya

duniya ke gham bhi hum ne usi mein Dubo diye

'amjad' nigah-e-naz ka jab jam aa gaya