be-qarari jo idhar hai wo udhar hai ki nahin
be-qarārī jo idhar hai vo udhar hai ki nahīñ
ye nazar jaise hai be-kal vo nazar hai ki nahīñ
dil kī hālat kā bigaḌnā to hai ma.amūl magar
vo jo haiñ is kā sabab un ko ḳhabar hai ki nahīñ
go nigāhoñ se nigāheñ to milī haiñ aksar
rabt us dil ko kuchh is dil se magar hai ki nahīñ
ye shab-e-hijr mirī jaañ hī na le jaa.e kahīñ
na sahī vasl muqaddar meñ sahar hai ki nahīñ
kyoñ mirī ruuh ko har pal ye gumāñ rahtā hai
jis makāñ meñ hai makīñ us kā hī ghar hai ki nahīñ
dost chhoḌ ā.eñge be-shak mujhe shamshān talak
us ke aage nahīñ ma.alūm safar hai ki nahīñ
'ārifo kyā hai majāz aur haqīqat kyā hai
vo jo aatā hai nigāhoñ ko nazar hai ki nahīñ
paḌh ke dīvān-e-'sadā' bolo zarā naqqādo
sher kahne kā kuchh us meñ bhī hunar hai ki nahīñ
be-qarari jo idhar hai wo udhar hai ki nahin
ye nazar jaise hai be-kal wo nazar hai ki nahin
dil ki haalat ka bigaDna to hai mamul magar
wo jo hain is ka sabab un ko KHabar hai ki nahin
go nigahon se nigahen to mili hain aksar
rabt us dil ko kuchh is dil se magar hai ki nahin
ye shab-e-hijr meri jaan hi na le jae kahin
na sahi wasl muqaddar mein sahar hai ki nahin
kyon meri ruh ko har pal ye guman rahta hai
jis makan mein hai makin us ka hi ghar hai ki nahin
dost chhoD aaenge be-shak mujhe shamshan talak
us ke aage nahin malum safar hai ki nahin
'arifo kya hai majaz aur haqiqat kya hai
wo jo aata hai nigahon ko nazar hai ki nahin
paDh ke diwan-e-'sada' bolo zara naqqado
sher kahne ka kuchh us mein bhi hunar hai ki nahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.