be-rang baDe shahr ki hasti bhi wahin thi

be-rañg baḌe shahr kī hastī bhī vahīñ thī

ik rañg uḌātī huī titlī bhī vahīñ thī

bāzār ke jaadū kī na thī kaaT mire paas

jo chiiz burī thī vahī achchhī bhī vahīñ thī

bas ik tirā chehra hī na thā mahfil-e-gul meñ

belā bhī thā champā bhī chamelī bhī vahīñ thī

is baaḌh meñ kartā thā jahāñ bhī maiñ kināra

andar se ubaltī mirī naddī bhī vahīñ thī

sailāb-e-badan us kā jo aayā to gayā maiñ

har chand mire jism kī kashtī bhī vahīñ thī

ai ishq jahāñ tū ne mujhe jam.a kiyā thā

miTTī mirī āḳhir ko bikharnī bhī vahīñ thī

afsos ga.ī qabr bhī 'ehsās'-miyāñ kī

ye qabr jahāñ thī mirī miTTī bhī vahīñ thī

be-rang baDe shahr ki hasti bhi wahin thi

ek rang uDati hui titli bhi wahin thi

bazar ke jadu ki na thi kaT mere pas

jo chiz buri thi wahi achchhi bhi wahin thi

bas ek tera chehra hi na tha mahfil-e-gul mein

bela bhi tha champa bhi chameli bhi wahin thi

is baDh mein karta tha jahan bhi main kinara

andar se ubalti meri naddi bhi wahin thi

sailab-e-badan us ka jo aaya to gaya main

har chand mere jism ki kashti bhi wahin thi

ai ishq jahan tu ne mujhe jama kiya tha

miTTi meri aaKHir ko bikharni bhi wahin thi

afsos gai qabr bhi 'ehsas'-miyan ki

ye qabr jahan thi meri miTTi bhi wahin thi