be-ruKHi ne uski kaisa ye ishaara kar diya

be-ruḳhī ne us kī kaisā ye ishārā kar diyā

vaqt se pahle qayāmat kā nazārā kar diyā

laakh kahne par bhī us ne ruḳh pe rakkhā thā naqāb

ik jhalak kī aarzū ko nāgavārā kar diyā

chal paḌe dāman jhaTak kar ham ko pīchhe chhoḌ kar

tanhā āġhāz-e-safar par kyuuñ dobāra kar diyā

ḳhud hī lau ummīd kī us ne jagā.ī aur phir

toḌ kar ummīd ḳhud hī be-kināra kar diyā

kaisī bedardī se toḌā us ne naata pyaar kā

kyuuñ jahāñ meñ phir 'sabā' ko be-sahārā kar diyā

be-ruKHi ne us ki kaisa ye ishaara kar diya

waqt se pahle qayamat ka nazara kar diya

lakh kahne par bhi us ne ruKH pe rakkha tha naqab

ek jhalak ki aarzu ko nagawara kar diya

chal paDe daman jhaTak kar hum ko pichhe chhoD kar

tanha aaghaz-e-safar par kyun dobara kar diya

KHud hi lau ummid ki us ne jagai aur phir

toD kar ummid KHud hi be-kinara kar diya

kaisi bedardi se toDa us ne nata pyar ka

kyun jahan mein phir 'saba' ko be-sahaara kar diya