be-sabab log badalte nahin maskan apna
be-sabab log badalte nahīñ maskan apnā
tum ne jalte hue dekhā hai nasheman apnā
kis kaḌe vaqt meñ mausam ne gavāhī māñgī
jab garebān hī apnā hai na dāman apnā
apne luT jaane kā ilzām kisī ko kyā duuñ
maiñ hī thā rāh-numā maiñ hī thā rahzan apnā
koī miltā hai jo is daur-e-pur-āshob meñ dost
mashvare de ke banā lete haiñ dushman apnā
jab bhī sach bolte bachchoñ pe nazar paḌtī hai
yaad aa jaatā hai be-sāḳhta bachpan apnā
yuuñ kiyā karte haiñ laḌkoñ ko nasīhat aksar
jaise ham ne na guzārā ho laḌakpan apnā
rañg-e-mahfil ke liye ham nahīñ badle 'mohsin'
vahī andāz-e-taḳhayyul hai vahī fan apnā
be-sabab log badalte nahin maskan apna
tum ne jalte hue dekha hai nasheman apna
kis kaDe waqt mein mausam ne gawahi mangi
jab gareban hi apna hai na daman apna
apne luT jaane ka ilzam kisi ko kya dun
main hi tha rah-numa main hi tha rahzan apna
koi milta hai jo is daur-e-pur-ashob mein dost
mashware de ke bana lete hain dushman apna
jab bhi sach bolte bachchon pe nazar paDti hai
yaad aa jata hai be-saKHta bachpan apna
yun kiya karte hain laDkon ko nasihat aksar
jaise hum ne na guzara ho laDakpan apna
rang-e-mahfil ke liye hum nahin badle 'mohsin'
wahi andaz-e-taKHayyul hai wahi fan apna
Source:
Maajra (Pg. 25)
- Author: Mohsin Bhopali
-
- Edition: 1981
- Publisher: Aiwan-e-Adab 8C Mohammad Ali society, Krachi
- Year of Publication: 1981
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
