be-talluq sare rishte kaun kis ka aashna

be-ta.alluq saare rishte kaun kis kā āshnā

saath saa.e kī tarah sab aur sab nā-āshnā

karb jaarī hai bajā.e ḳhuuñ ragoñ meñ sāhibo

kaun hai ham sā jahāñ meñ ġham se itnā āshnā

haañ hamārī nibh to saktī thī magar kaise nibhe

apnī ḳhuddārī meñ ham aur vo vafā nā-āshnā

ek ik kā muñh takeñ begānagī ke shahr meñ

ab kaheñ kyā kis se ham ab kaun apnā āshnā

niiv baiThī jā rahī hai saarī dīvāreñ ga.iiñ

ghar kā baasī ghar kī hālat se nahīñ kyā āshnā

jo na karnā thā karāyā aur nādim bhī nahīñ

ai dil-e-nādāñ kisī kā ho na tujh sā āshnā

ajnabī ik dūsre se baat kyā karte nahīñ

ik zarā se saath meñ kyā āshnā nā-āshnā

ḳhum ba ḳhum chhalke tirī sahbā nasha qaa.im rahe

lazzat-e-zahrāb ġham se kab huā thā āshnā

pāra-e-sīmāb bhī 'bilqīs' Thahrā hai kahīñ

vo talavvun-kesh kis kā dost kis kā āshnā

be-talluq sare rishte kaun kis ka aashna

sath sae ki tarah sab aur sab na-ashna

karb jari hai bajae KHun ragon mein sahibo

kaun hai hum sa jahan mein gham se itna aashna

han hamari nibh to sakti thi magar kaise nibhe

apni KHuddari mein hum aur wo wafa na-ashna

ek ek ka munh taken beganagi ke shahr mein

ab kahen kya kis se hum ab kaun apna aashna

niw baiThi ja rahi hai sari diwaren gain

ghar ka basi ghar ki haalat se nahin kya aashna

jo na karna tha karaya aur nadim bhi nahin

ai dil-e-nadan kisi ka ho na tujh sa aashna

ajnabi ek dusre se baat kya karte nahin

ek zara se sath mein kya aashna na-ashna

KHum ba KHum chhalke teri sahba nasha qaim rahe

lazzat-e-zahrab gham se kab hua tha aashna

para-e-simab bhi 'bilqis' Thahra hai kahin

wo talawwun-kesh kis ka dost kis ka aashna