be-tarah dil KHushi se Darta hai

be-tarah dil ḳhushī se Dartā hai

kaun itnā kisī se Dartā hai

uf re nairañgiyāñ zamāne kī

aadmī aadmī se Dartā hai

dushmanī hī na ho ma.aal us kā

dil tirī dostī se Dartā hai

ye bhī hai ik ta.alluq-e-ḳhātir

kaun varna kisī se Dartā hai

manzileñ gard ban ga.iiñ phir bhī

rahnumā rahbarī se Dartā hai

ishq farmā-ravā-e-haft-aflāk

aap kī barhamī se Dartā hai

jab se vo be-vafā hue 'sāhir'

dil mirā har kisī se Dartā hai

be-tarah dil KHushi se Darta hai

kaun itna kisi se Darta hai

uf re nairangiyan zamane ki

aadmi aadmi se Darta hai

dushmani hi na ho maal us ka

dil teri dosti se Darta hai

ye bhi hai ek talluq-e-KHatir

kaun warna kisi se Darta hai

manzilen gard ban gain phir bhi

rahnuma rahbari se Darta hai

ishq farma-rawa-e-haft-aflak

aap ki barhami se Darta hai

jab se wo be-wafa hue 'sahir'

dil mera har kisi se Darta hai