be-wafa na-mehrban ye sach hai wo aisa to tha

be-vafā nā-mehrbāñ ye sach hai vo aisā to thā

mat kaho kuchh us ko yaaro jo bhī thā merā to thā

bhiiḌ itnī hai nagar meñ kis jagah DhūñDūñ use

ek chehra kuchh dinoñ pahle kahīñ dekhā to thā

raat aa.ī aur aa ke mujh ko tanhā kar ga.ī

kam se kam din thā to mere saath ik saaya to thā

ab to ik muddat huī koī sadā aatī nahīñ

jin dinoñ TuuTā thā dil ik shor sā uTThā to thā

ham 'hasan' ko jānte haiñ aadmī achchhā na thā

do-ghaḌī ko paas aa ke dil ko bahlātā to thā

be-wafa na-mehrban ye sach hai wo aisa to tha

mat kaho kuchh us ko yaro jo bhi tha mera to tha

bhiD itni hai nagar mein kis jagah DhunDun use

ek chehra kuchh dinon pahle kahin dekha to tha

raat aai aur aa ke mujh ko tanha kar gai

kam se kam din tha to mere sath ek saya to tha

ab to ek muddat hui koi sada aati nahin

jin dinon TuTa tha dil ek shor sa uTTha to tha

hum 'hasan' ko jaante hain aadmi achchha na tha

do-ghaDi ko pas aa ke dil ko bahlata to tha