be-waza shab-o-roz ki taswir dikha kar

be-vaz.a shab-o-roz kī tasvīr dikhā kar

ab daad na māñgo mujhe zanjīr dikhā kar

kaisī haiñ kaf-e-lauh pe be-rabt lakīreñ

ma.anī na chhupāo mujhe tahrīr dikhā kar

ai shīsha-e-jāñ tujh meñ lahū ḳhatm bhī hogā

ye nashsha utar jā.egā tāsīr dikhā kar

maiñ sham-e-shab-zulm huuñ āġhāz-e-sahar tak

dil bujhne lagā sub.h kī tanvīr dikhā kar

kis shāḳh pe hai harf-e-gul-e-surḳh dikhāo

qaa.il bhī karo lafz kī tafsīr dikhā kar

yuuñ sehr-e-kashish ne kiyā e.ajāz kā munkir

dīvār-e-havā par mujhe shahtīr dikhā kar

hai koh-kanī bār-e-amānat abhī sar par

mat rok mujhe tesha-o-taqdīr dikhā kar

kahte ho ki ḳhvāhish kā samar tursh hai 'shāhid'

āñkhoñ ko ġhalat ḳhvāb kī ta.abīr dikhā kar

be-waza shab-o-roz ki taswir dikha kar

ab dad na mango mujhe zanjir dikha kar

kaisi hain kaf-e-lauh pe be-rabt lakiren

mani na chhupao mujhe tahrir dikha kar

ai shisha-e-jaan tujh mein lahu KHatm bhi hoga

ye nashsha utar jaega tasir dikha kar

main sham-e-shab-zulm hun aaghaz-e-sahar tak

dil bujhne laga subh ki tanwir dikha kar

kis shaKH pe hai harf-e-gul-e-surKH dikhao

qail bhi karo lafz ki tafsir dikha kar

yun sehr-e-kashish ne kiya eajaz ka munkir

diwar-e-hawa par mujhe shahtir dikha kar

hai koh-kani bar-e-amanat abhi sar par

mat rok mujhe tesha-o-taqdir dikha kar

kahte ho ki KHwahish ka samar tursh hai 'shahid'

aankhon ko ghalat KHwab ki tabir dikha kar