bechaare sahra ko ek niwala nahin bacha hai

bechāre sahrā ko ik nivāla nahīñ bachā hai

hamāre paañv meñ koī chhālā nahīñ bachā hai

vo shahr-e-hijrāñ kā āḳhirī fard thā so ḳhush thā

ki us se koī bichhaḌne vaalā nahīñ bachā hai

siyāh zehnoñ ne mil ke aise añdhere bo.e

kisī tasavvur meñ bhī ujālā nahīñ bachā hai

ġharīb jamunā kā sar paTaknā batā rahā hai

jo dhun sunātā thā vo gavālā nahīñ bachā hai

palaT ke dil ko na aao ummīdo lauT jaao

Thikānā ḳhud ham ne phūñk Daalā nahīñ bachā hai

jo dastaras ke shikār haiñ vo ye jānte haiñ

haañ un pe ab ek bhī havāla nahīñ bachā hai

bechaare sahra ko ek niwala nahin bacha hai

hamare panw mein koi chhaala nahin bacha hai

wo shahr-e-hijran ka aaKHiri fard tha so KHush tha

ki us se koi bichhaDne wala nahin bacha hai

siyah zehnon ne mil ke aise andhere boe

kisi tasawwur mein bhi ujala nahin bacha hai

gharib jamuna ka sar paTakna bata raha hai

jo dhun sunata tha wo gawala nahin bacha hai

palaT ke dil ko na aao ummido lauT jao

Thikana KHud hum ne phunk Dala nahin bacha hai

jo dastaras ke shikar hain wo ye jaante hain

han un pe ab ek bhi hawala nahin bacha hai