bedar ki nigah mein kal aur aaj kya
bedār kī nigāh meñ kal aur aaj kyā
lamhoñ se be-niyāz kā koī ilaaj kyā
qadreñ bhaTak rahī haiñ abhī khañDarāt meñ
ham ahd-e-irtiqā se vasūleñ ḳhirāj kyā
har zehn be-lagām hai har fikr be-qayās
āzād nasl-o-qaum ke rasm-o-rivāj kyā
kis ko vahāñ pe kījiye tafrīq-āshnā
jis kā jahāñ lagāo na ho ehtijāj kyā
zinda ho jab zamīr to lāzim hai ehtiyāt
palkoñ kī chhāvnī meñ nigāhoñ kī laaj kyā
koī bhī rut ho bhuuk kī fasleñ ugā.iye
ham iiñT bo rahe haiñ to paa.eñ anaaj kyā
mausam ko chāhiye na mirī pairvī kare
'shā.iq' asīr-e-dard kā apnā mizāj kyā
bedar ki nigah mein kal aur aaj kya
lamhon se be-niyaz ka koi ilaj kya
qadren bhaTak rahi hain abhi khanDaraat mein
hum ahd-e-irtiqa se wasulen KHiraj kya
har zehn be-lagam hai har fikr be-qayas
aazad nasl-o-qaum ke rasm-o-riwaj kya
kis ko wahan pe kijiye tafriq-ashna
jis ka jahan lagao na ho ehtijaj kya
zinda ho jab zamir to lazim hai ehtiyat
palkon ki chhawni mein nigahon ki laj kya
koi bhi rut ho bhuk ki faslen ugaiye
hum inT bo rahe hain to paen anaj kya
mausam ko chahiye na meri pairwi kare
'shaiq' asir-e-dard ka apna mizaj kya
Source:
Rooh-e-Ghazal,Pachas Sala Intekhab (Pg. 671)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
