bewa man ko KHun ke aansu rulate hain charagh

beva maañ ko ḳhuun ke aañsū rulāte haiñ charāġh

chhoḌ kar basta kitābeñ jab kamāte haiñ charāġh

sone chāñdī tāñbe pītal se banānā fan nahīñ

ahl-e-fan haiñ jo ki miTTī se banāte haiñ charāġh

aaj bhī mere vatan ke chhoTe chhoTe gaañv meñ

shaam hote hī baḌe būḌhe lagāte haiñ charāġh

kashtiyāñ raste se haT jaa.eñ na tūfāñ ke sabab

ham añdheroñ meñ lab-e-sāhil jalāte haiñ charāġh

devtā bhī aartī kā ḳhuub lete haiñ maza

husn vaale thāliyoñ meñ jab sajāte haiñ charāġh

be-tahāsha jazba-e-ulfat meñ lag jaatī hai aag

vo hinā.ī dast-e-nāzuk se jalāte haiñ charāġh

tan ke ujle man ke kaale log ye karte haiñ kaam

ḳhud nahīñ rakhte to auroñ ke bujhāte haiñ charāġh

vaqt-e-ruḳhsat ashk-e-larzīda se palkoñ pe 'farāz'

sub.h-dam tāroñ ke jaise jhilmilāte haiñ charāġh

bewa man ko KHun ke aansu rulate hain charagh

chhoD kar basta kitaben jab kamate hain charagh

sone chandi tanbe pital se banana fan nahin

ahl-e-fan hain jo ki miTTi se banate hain charagh

aaj bhi mere watan ke chhoTe chhoTe ganw mein

sham hote hi baDe buDhe lagate hain charagh

kashtiyan raste se haT jaen na tufan ke sabab

hum andheron mein lab-e-sahil jalate hain charagh

dewta bhi aarti ka KHub lete hain maza

husn wale thaaliyon mein jab sajate hain charagh

be-tahasha jazba-e-ulfat mein lag jati hai aag

wo hinai dast-e-nazuk se jalate hain charagh

tan ke ujle man ke kale log ye karte hain kaam

KHud nahin rakhte to auron ke bujhate hain charagh

waqt-e-ruKHsat ashk-e-larzida se palkon pe 'faraaz'

subh-dam taron ke jaise jhilmilate hain charagh