bewafa tha phir bhi duniya uski shaidai hui

bevafā thā phir bhī duniyā us kī shaidā.ī huī

ġham to ye hai bas mire hisse meñ tanhā.ī huī

roz-e-mahshar jis ghaḌī aaya jo naama haath meñ

haa.e kaisī us bharī mahfil meñ rusvā.ī huī

mubtalā-e-zo.am-e-shohrat hasrat-e-nām-o-numūd

ho gayā insān kaisā salb bīnā.ī huī

munkir-e-insān ko duniyā samajhtī hai haqīr

ājizī kī is jahāñ meñ kab pazīrā.ī huī

badliyoñ kī oT meñ yuuñ chhup gayā māh-e-tamām

jaise dul.han chehra Dhak baiThī ho sharmā.ī huī

merī har ik baat kā bas ek matlab hai 'anā'

jis ke matlab chaar hoñ aisī na goyā.ī huī

bewafa tha phir bhi duniya us ki shaidai hui

gham to ye hai bas mere hisse mein tanhai hui

roz-e-mahshar jis ghaDi aaya jo nama hath mein

hae kaisi us bhari mahfil mein ruswai hui

mubtala-e-zoam-e-shohrat hasrat-e-nam-o-numud

ho gaya insan kaisa salb binai hui

munkir-e-insan ko duniya samajhti hai haqir

aajizi ki is jahan mein kab pazirai hui

badliyon ki oT mein yun chhup gaya mah-e-tamam

jaise dulhan chehra Dhak baiThi ho sharmai hui

meri har ek baat ka bas ek matlab hai 'ana'

jis ke matlab chaar hon aisi na goyai hui