bewafai ka wo dastur hue baiThe hain

bevafā.ī kā vo dastūr hue baiThe haiñ

ishq meñ ham haiñ ki bas chuur hue baiThe haiñ

ham ne maanā thā jinheñ shams-o-qamar se baḌh kar

vaqt aaya to vo be-nūr hue baiThe haiñ

dil kī dhaḌkan meñ jinheñ ham ne basā rakkhā hai

ham se vo duur bahut duur hue baiThe haiñ

ik nazar dekh le ai jān-e-tamannā ham ko

ham tire ishq meñ masrūr hue baiThe haiñ

vo na aa.e jo shab-e-va.ada to bhejā hai payām

ḳhat meñ likkhā hai ki majbūr hue baiThe haiñ

the jo sīrat meñ kabhī sādgī kā ā.īna

aa.ina dekh ke maġhrūr hue baiThe haiñ

bewafai ka wo dastur hue baiThe hain

ishq mein hum hain ki bas chur hue baiThe hain

hum ne mana tha jinhen shams-o-qamar se baDh kar

waqt aaya to wo be-nur hue baiThe hain

dil ki dhaDkan mein jinhen hum ne basa rakkha hai

hum se wo dur bahut dur hue baiThe hain

ek nazar dekh le ai jaan-e-tamanna hum ko

hum tere ishq mein masrur hue baiThe hain

wo na aae jo shab-e-wada to bheja hai payam

KHat mein likkha hai ki majbur hue baiThe hain

the jo sirat mein kabhi sadgi ka aaina

aaina dekh ke maghrur hue baiThe hain