bhaḌak uTTheñge sho.ale ek din duniyā kī mahfil meñ
kahāñ tak jazb hoñgī bijliyāñ sabr-āzmā dil meñ
lahū rone lageñge sāz-e-ishrat chheḌne vaale
are ye dard āvāz-e-shikast-e-shīsha-e-dil meñ
ye chhīñTeñ ḳhuun kī kaafī haiñ mere baḳhshavāne ko
nazar aatī hai jannat vus.at-e-dāmān-e-qātil meñ
abad tak kaukab-e-baḳht-e-sa.ādat ban ke chamkeñge
hue haiñ jazb jo qatre lahū ke teġh-e-qātil meñ
junūn-e-be-sar-o-sāmāñ kī zīnat dekhne vaale
mabādā farq aa.e ishq kī tadbīr-e-manzil meñ
hazāroñ saal soz-e-dil ne kī thī dozaḳh-āshāmī
qadam rakhte hī mere lag ga.ī ik aag mahfil meñ
magar bhūle nahīñ ho yaad ab tak 'abr-o-'hāmid' kī
'azīz' āḳhir vo quvvat kyuuñ nahīñ baaqī rahī dil meñ
bhaDak uTThenge shoale ek din duniya ki mahfil mein
kahan tak jazb hongi bijliyan sabr-azma dil mein
lahu rone lagenge saz-e-ishrat chheDne wale
are ye dard aawaz-e-shikast-e-shisha-e-dil mein
ye chhinTen KHun ki kafi hain mere baKHshawane ko
nazar aati hai jannat wusat-e-daman-e-qatil mein
abad tak kaukab-e-baKHt-e-saadat ban ke chamkenge
hue hain jazb jo qatre lahu ke tegh-e-qatil mein
junun-e-be-sar-o-saman ki zinat dekhne wale
mabaada farq aae ishq ki tadbir-e-manzil mein
hazaron sal soz-e-dil ne ki thi dozaKH-ashami
qadam rakhte hi mere lag gai ek aag mahfil mein
magar bhule nahin ho yaad ab tak 'abr-o-'hamid' ki
'aziz' aaKHir wo quwwat kyun nahin baqi rahi dil mein
Source:
Anjum Kada (Pg. 14)
-
Author:
Mirza Mohammad Hadi Aziz Lakhnavi
-
- Edition: 1956
- Publisher: Anjuman Taraqqi Urdu (Hind), Aligarh
- Year of Publication: 1956
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.