bhala kah diya ya bura kah diya

bhalā kah diyā yā burā kah diyā

jise jo bhī achchhā lagā kah diyā

isī baat par vo bigaḌne lage

ki ham ne unheñ chāñd sā kah diyā

mirī aañkh kuchh aisī bharmā ga.ī

dhueñ ko bhī maiñ ne ghaTā kah diyā

ḳhudā hī samajhne lage ḳhud ko tum

kisī ne jo tum ko ḳhudā kah diyā

jise sun ke aap itne nā-ḳhush hue

vo ham bhī suneñ ham ne kyā kah diyā

kiyā zabt hoñToñ pe maiñ ne bahut

nigāhoñ ne sab mājrā kah diyā

sunī dil se 'rānā' jab us ne ġhazal

to ḳhush ho ke sad-marhabā kah diyā

bhala kah diya ya bura kah diya

jise jo bhi achchha laga kah diya

isi baat par wo bigaDne lage

ki hum ne unhen chand sa kah diya

meri aankh kuchh aisi bharma gai

dhuen ko bhi main ne ghaTa kah diya

KHuda hi samajhne lage KHud ko tum

kisi ne jo tum ko KHuda kah diya

jise sun ke aap itne na-KHush hue

wo hum bhi sunen hum ne kya kah diya

kiya zabt honTon pe main ne bahut

nigahon ne sab majra kah diya

suni dil se 'rana' jab us ne ghazal

to KHush ho ke sad-marhaba kah diya