bhale bujhane ki zid pe hawa uDi hui hai

bhale bujhāne kī zid pe havā uḌī huī hai

magar charāġh kī lau aur bhī baḌhī huī hai

maiñ sochtā huuñ use sar pe rakh liyā jaa.e

zamīn kab se mire paañv meñ paḌī huī hai

tumhāre lahje kī luknat batā rahī hai mujhe

ki tum ne ḳhud se hī ye dāstāñ gaḌhī huī hai

koī batā.e ġhazāla ko maiñ shikārī huuñ

vo be-takān mirī raah meñ khaḌī huī hai

ye rañg rañg libāsoñ meñ kuchh nahīñ hai 'farāz'

ki sab kī asal qabā ḳhaak se juḌī huī hai

bhale bujhane ki zid pe hawa uDi hui hai

magar charagh ki lau aur bhi baDhi hui hai

main sochta hun use sar pe rakh liya jae

zamin kab se mere panw mein paDi hui hai

tumhaare lahje ki luknat bata rahi hai mujhe

ki tum ne KHud se hi ye dastan gaDhi hui hai

koi batae ghazala ko main shikari hun

wo be-takan meri rah mein khaDi hui hai

ye rang rang libason mein kuchh nahin hai 'faraaz'

ki sab ki asal qaba KHak se juDi hui hai