bhale din aaen to aane wale bure dinon ka KHayal rakhna

bhale din aa.eñ to aane vaale bure dinoñ kā ḳhayāl rakhnā

tamām ḳhushiyoñ ke jamghaToñ meñ bhī thoḌā thoḌā malāl rakhnā

vo jā rahā ho to vāpsī ke tamām imkān jaan lenā

jo lauT aa.e to kaise guzrī ye us se pahlā savāl rakhnā

agar kabhī yuuñ lage ki sab kuchh añdherī rātoñ ke daao par hai

to aisī rātoñ meñ Dar na jaanā to chāñd yādeñ ujaal rakhnā

faqat tasanño faqat takalluf tamām rishte tamām naate

to kyā kisī kā ḳhayāl rakhnā to kyā ravābit bahāl rakhnā

yuuñ hī akele rahā kiye to udaas hoge nirāsh hoge

jo āfiyat chāhte ho 'rāshid' to chand rishte sambhāl rakhnā

bhale din aaen to aane wale bure dinon ka KHayal rakhna

tamam KHushiyon ke jamghaTon mein bhi thoDa thoDa malal rakhna

wo ja raha ho to wapsi ke tamam imkan jaan lena

jo lauT aae to kaise guzri ye us se pahla sawal rakhna

agar kabhi yun lage ki sab kuchh andheri raaton ke dao par hai

to aisi raaton mein Dar na jaana to chand yaaden ujal rakhna

faqat tasanno faqat takalluf tamam rishte tamam nate

to kya kisi ka KHayal rakhna to kya rawabit bahaal rakhna

yun hi akele raha kiye to udas hoge nirash hoge

jo aafiyat chahte ho 'rashid' to chand rishte sambhaal rakhna