bhari bahaar mein daman-e-darida hain hum log
bharī bahār meñ dāman-e-darīda haiñ ham log
hameñ thā zo.am bahār-āfrīda haiñ ham log
ye aur baat ki dāman-darīda haiñ ham log
ba-faiz-e-ishq magar sar-kashīda haiñ ham log
ham ā.īna haiñ magar aks-e-zāt se mahrūm
tirī sadā haiñ magar nā-shunīda haiñ ham log
jahāñ jahāñ bhī ga.e haiñ mahak uThī hai fazā
tire firāq kī bū-e-rasīda haiñ ham log
kaḌī hai dhuup shajar hai na sāya-e-dīvār
bichhaḌ ke us se sukūñ-nā-chashīda haiñ ham log
ye kis ne ā.ina-sāzī kā fan kiyā ījād
ye aa.ine haiñ ki chehra-burīda haiñ ham log
bhari bahaar mein daman-e-darida hain hum log
hamein tha zoam bahaar-afrida hain hum log
ye aur baat ki daman-darida hain hum log
ba-faiz-e-ishq magar sar-kashida hain hum log
hum aaina hain magar aks-e-zat se mahrum
teri sada hain magar na-shunida hain hum log
jahan jahan bhi gae hain mahak uThi hai faza
tere firaq ki bu-e-rasida hain hum log
kaDi hai dhup shajar hai na saya-e-diwar
bichhaD ke us se sukun-na-chashida hain hum log
ye kis ne aaina-sazi ka fan kiya ijad
ye aaine hain ki chehra-burida hain hum log
Source:
Pakistani Adab (Pg. 465)
- Author: Dr. Rashid Amjad
-
- Edition: 2009
- Publisher: Pakistan Academy of Letters, Islambad, Pakistan
- Year of Publication: 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
