bhiD mein KHud ko ganwane se zara sa pahle

bhiiḌ meñ ḳhud ko gañvāne se zarā sā pahle

mujh ko miltā vo zamāne se zarā sā pahle

hijr kī ham ko kuchh aisī burī aadat hai ki ham

zahr khā leñ tire aane se zarā sā pahle

garche pakḌe na ga.e dosto lekin ham bhī

chor the shor machāne se zarā sā pahle

kuchh nahīñ sochā parindoñ se shajar chhīn liye

dasht meñ shahr basāne se zarra sā pahle

dhuul the tum mire qadmoñ se lipaTne pe musir

ḳhaak the chaak pe jaane se zarra sā pahle

jā-e-ibrat hai ki phūTīñ na tumhārī āñkheñ

mujhe yuuñ aañkh dikhāne se zarā sā pahle

bhiD mein KHud ko ganwane se zara sa pahle

mujh ko milta wo zamane se zara sa pahle

hijr ki hum ko kuchh aisi buri aadat hai ki hum

zahr kha len tere aane se zara sa pahle

garche pakDe na gae dosto lekin hum bhi

chor the shor machane se zara sa pahle

kuchh nahin socha parindon se shajar chhin liye

dasht mein shahr basane se zarra sa pahle

dhul the tum mere qadmon se lipaTne pe musir

KHak the chaak pe jaane se zarra sa pahle

ja-e-ibrat hai ki phuTin na tumhaari aankhen

mujhe yun aankh dikhane se zara sa pahle