bhulata hun magar gham ki daraKHshani nahin jati

bhulātā huuñ magar ġham kī daraḳhshānī nahīñ jaatī

vo ā.īna muqābil hai ki hairānī nahīñ jaatī

nigāh-e-shauq se tā-der hairānī nahīñ jaatī

shabāb aayā to zālim shakl pahchānī nahīñ jaatī

tujhe dekhūñ ki tere iltifāt-e-narm ko samjhūñ

mohabbat bhī tire jalvoñ meñ pahchānī nahīñ jaatī

sahāb o sail dho sakte nahīñ gard-e-falākat ko

bahār aa.ī magar duniyā kī vīrānī nahīñ jaatī

kahāñ tak saath de saktī haiñ āñkheñ sozish-e-dil kā

bahut royā magar ġham kī girāñ-jānī nahīñ jaatī

javānī ko gunāhoñ se alag karnā nahīñ mumkin

ye vo mai hai jo fart-e-kaif se chhānī nahīñ jaatī

mohabbat tār-tār-e-pairahan kar apne kāñToñ se

ki in phūloñ se merī tañg-dāmānī nahīñ jaatī

'nushūr' is vaqt bhī duniyā asīr-e-mulak-o-daulat hai

abhī fikr o nazar tā-hadd-e-insānī nahīñ jaatī

bhulata hun magar gham ki daraKHshani nahin jati

wo aaina muqabil hai ki hairani nahin jati

nigah-e-shauq se ta-der hairani nahin jati

shabab aaya to zalim shakl pahchani nahin jati

tujhe dekhun ki tere iltifat-e-narm ko samjhun

mohabbat bhi tere jalwon mein pahchani nahin jati

sahab o sail dho sakte nahin gard-e-falakat ko

bahaar aai magar duniya ki virani nahin jati

kahan tak sath de sakti hain aankhen sozish-e-dil ka

bahut roya magar gham ki giran-jaani nahin jati

jawani ko gunahon se alag karna nahin mumkin

ye wo mai hai jo fart-e-kaif se chhani nahin jati

mohabbat tar-tar-e-pairahan kar apne kanTon se

ki in phulon se meri tang-damani nahin jati

'nushur' is waqt bhi duniya asir-e-mulak-o-daulat hai

abhi fikr o nazar ta-hadd-e-insani nahin jati