bhul ke apne sare dukhon ko KHushiyon ke lamhat mein aa

bhuul ke apne saare dukhoñ ko ḳhushiyoñ ke lamhāt meñ aa

ai mujh par mar-miTne vaale aa jā merī zaat meñ aa

ḳhaak se hī to paidā huā hai ḳhaak meñ hī mil jā.egā

nāz-o-anā ko chhoḌ ke pyāre aa apnī auqāt meñ aa

sūraj kī zau terī chamak ko hatman phīkā kar degī

chāñd mire ab chhoḌ bhī de ye din kī zid aur raat meñ aa

ai dil tū ne kyoñ kī mohabbat āḳhir us harjā.ī se

maiñ ne kab tujh se ye kahā thā ki tū merī baat meñ aa

ai banī-ādam hāthoñ pe hāthoñ ko dhare ḳhāmosh na baiTh

aanā hai gar tujh ko to tārīḳhoñ ke safhāt meñ aa

kuchh bhī nahīñ hai paas mire dene ko rāh-e-mohabbat meñ

tujh se guzārish hai mire hamdam mat aise hālāt meñ aa

kyā ho taqābul terā nabī se aur un kī aulādoñ se

gar hai barābar un ke to phir qur.āñ kī āyāt meñ aa

bhul ke apne sare dukhon ko KHushiyon ke lamhat mein aa

ai mujh par mar-miTne wale aa ja meri zat mein aa

KHak se hi to paida hua hai KHak mein hi mil jaega

naz-o-ana ko chhoD ke pyare aa apni auqat mein aa

suraj ki zau teri chamak ko hatman phika kar degi

chand mere ab chhoD bhi de ye din ki zid aur raat mein aa

ai dil tu ne kyon ki mohabbat aaKHir us harjai se

main ne kab tujh se ye kaha tha ki tu meri baat mein aa

ai bani-adam hathon pe hathon ko dhare KHamosh na baiTh

aana hai gar tujh ko to tariKHon ke safhat mein aa

kuchh bhi nahin hai pas mere dene ko rah-e-mohabbat mein

tujh se guzarish hai mere hamdam mat aise haalat mein aa

kya ho taqabul tera nabi se aur un ki auladon se

gar hai barabar un ke to phir quran ki aayat mein aa