bhul pae na tujhe aaj bhi rone wale

bhuul paa.e na tujhe aaj bhī rone vaale

tū kahāñ hai mirī āñkhoñ ko bhigone vaale

ham kisī ġhair ke ho jaa.eñ ye mumkin hī nahīñ

aur tum to kabhī apne nahīñ hone vaale

sochte haiñ ki kahāñ jā ke talāsheñ un ko

ham ko kuchh dost mile the kabhī khone vaale

ret ke jaisā hai ab to ye muqaddar merā

ḳhud bikhar jā.eñge ab mujh ko pirone vaale

dard aur ashk zamāne meñ azal se haiñ vahī

sirf badle haiñ har ik daur meñ rone vaale

peḌ ko apnā hī saaya nahīñ miltā logo

fasl apnī kabhī paate nahīñ bone vaale

dard ġhairoñ kā bhalā kaun uThātā hai 'sahāb'

sab yahāñ ḳhud kī salīboñ ko haiñ Dhone vaale

bhul pae na tujhe aaj bhi rone wale

tu kahan hai meri aankhon ko bhigone wale

hum kisi ghair ke ho jaen ye mumkin hi nahin

aur tum to kabhi apne nahin hone wale

sochte hain ki kahan ja ke talashen un ko

hum ko kuchh dost mile the kabhi khone wale

ret ke jaisa hai ab to ye muqaddar mera

KHud bikhar jaenge ab mujh ko pirone wale

dard aur ashk zamane mein azal se hain wahi

sirf badle hain har ek daur mein rone wale

peD ko apna hi saya nahin milta logo

fasl apni kabhi pate nahin bone wale

dard ghairon ka bhala kaun uThata hai 'sahab'

sab yahan KHud ki salibon ko hain Dhone wale