bhulne wale se koi kah de zara is tarah yaad aane se kya faeda

bhūlne vaale se koī kah de zarā is tarah yaad aane se kyā fā.eda

jab mire dil kī duniyā basāte nahīñ phir ḳhayāloñ meñ aane se kyā fā.eda

chaar tinke jalāne se kyā mil gayā miT sakā na zamāne se merā nishāñ

mujh pe bijlī girāo to jāneñ sahī āshiyāñ par girāne se kyā fā.eda

kyā kahūñ aap se kitnī ummīd thī aap kyā badle duniyā badal sī ga.ī

aasrā de ke dil toḌte haiñ mirā is tarah se satāne se kyā fā.eda

tum ne muusā ko nāhaq hī taklīf dī lutf aatā agar yaad karte hameñ

jin kī āñkhoñ meñ tāb-e-nazāra na ho un ko jalva dikhāne se kyā fā.eda

pahle dil ko burā.ī se kar paak tū phir ḳhulūs-e-aqīdat se kar justujū

aise sajdoñ se allāh miltā nahīñ har jagah sar jhukāne se kyā fā.eda

laakh samjhāyā tujh ko magar ai 'shamīm' terī hushyārī āḳhir na kaam aa sakī

aañkh miltī ga.ī raaz khulte ga.e ab haqīqat chhupāne se kyā fā.eda

bhulne wale se koi kah de zara is tarah yaad aane se kya faeda

jab mere dil ki duniya basate nahin phir KHayalon mein aane se kya faeda

chaar tinke jalane se kya mil gaya miT saka na zamane se mera nishan

mujh pe bijli girao to jaanen sahi aashiyan par girane se kya faeda

kya kahun aap se kitni ummid thi aap kya badle duniya badal si gai

aasra de ke dil toDte hain mera is tarah se satane se kya faeda

tum ne musa ko nahaq hi taklif di lutf aata agar yaad karte hamein

jin ki aankhon mein tab-e-nazara na ho un ko jalwa dikhane se kya faeda

pahle dil ko burai se kar pak tu phir KHulus-e-aqidat se kar justuju

aise sajdon se allah milta nahin har jagah sar jhukane se kya faeda

lakh samjhaya tujh ko magar ai 'shamim' teri hushyari aaKHir na kaam aa saki

aankh milti gai raaz khulte gae ab haqiqat chhupane se kya faeda