bichhaD ke ishq mein jina muhaal hai ki nahin

bichhaḌ ke 'ishq meñ jiinā muhāl hai ki nahīñ

ki ham ne jī ke dikhāyā kamāl hai ki nahīñ

use jo dekhe nazar-bhar usī kā ho jaa.e

ġhazab kā dekhiye husn-o-jamāl hai ki nahīñ

vo misl-e-hukm hī samjhā hai ḳhvāhish-e-jānāñ

ye ḳhvāhishoñ kā hamārī visāl hai ki nahīñ

zarā sī baat ko itnā baḌhā diyā tū ne

ki aabrū kā tujhe kuchh ḳhayāl hai ki nahīñ

udaas chehre ko paḌhte haiñ jab jahāñ vaale

ye pūchhte haiñ sabhī bol-chāl hai ki nahīñ

kamāo shauq se rozī kahīñ pe tum lekin

ḳhayāl rakhnā hai lāzim halāl hai ki nahīñ

bichhaD ke 'ishq mein jina muhaal hai ki nahin

ki hum ne ji ke dikhaya kamal hai ki nahin

use jo dekhe nazar-bhar usi ka ho jae

ghazab ka dekhiye husn-o-jamal hai ki nahin

wo misl-e-hukm hi samjha hai KHwahish-e-jaanan

ye KHwahishon ka hamari visal hai ki nahin

zara si baat ko itna baDha diya tu ne

ki aabru ka tujhe kuchh KHayal hai ki nahin

udas chehre ko paDhte hain jab jahan wale

ye puchhte hain sabhi bol-chaal hai ki nahin

kamao shauq se rozi kahin pe tum lekin

KHayal rakhna hai lazim halal hai ki nahin