bichhaD ke mujhse ye mashghala iKHtiyar karna

bichhaḌ ke mujh se ye mashġhala iḳhtiyār karnā

havā se Darnā bujhe charāġhoñ se pyaar karnā

khulī zamīnoñ meñ jab bhī sarsoñ ke phuul mahkeñ

tum aisī rut meñ sadā mirā intizār karnā

jo log chāheñ to phir tumheñ yaad bhī na aa.eñ

kabhī kabhī tum mujhe bhī un meñ shumār karnā

kisī ko ilzām-e-bevafā.ī kabhī na denā

mirī tarah apne aap ko sogvār karnā

tamām va.ade kahāñ talak yaad rakh sakoge

jo bhuul jaa.eñ vo ahd bhī ustuvār karnā

ye kis kī āñkhoñ ne bādaloñ ko sikhā diyā hai

ki sīna-e-sañg se ravāñ ābshār karnā

maiñ zindagī se na khul sakā is liye bhī 'mohsin'

ki bahte paanī pe kab talak e'tibār karnā

bichhaD ke mujh se ye mashghala iKHtiyar karna

hawa se Darna bujhe charaghon se pyar karna

khuli zaminon mein jab bhi sarson ke phul mahken

tum aisi rut mein sada mera intizar karna

jo log chahen to phir tumhein yaad bhi na aaen

kabhi kabhi tum mujhe bhi un mein shumar karna

kisi ko ilzam-e-bewafai kabhi na dena

meri tarah apne aap ko sogwar karna

tamam wade kahan talak yaad rakh sakoge

jo bhul jaen wo ahd bhi ustuwar karna

ye kis ki aankhon ne baadalon ko sikha diya hai

ki sina-e-sang se rawan aabshaar karna

main zindagi se na khul saka is liye bhi 'mohsin'

ki bahte pani pe kab talak e'tibar karna