bichhaD ke un se mile to kai sawal hue

bichhaḌ ke un se mile to ka.ī savāl hue

bahut dinoñ se mo.attal the kab bahāl hue

vo ek chehra jo kal se nazar nahīñ aayā

hameñ lagā ki use dekhe kitne saal hue

badan ko dasht banāyā hai is liye ham ne

jo dil meñ aa.e the māshūq sab ġhazāl hue

hamāre paas jise DhūñDhte ho tum aa kar

zamāne biit ga.e us kā intiqāl hue

hamesha logoñ ko dāvat pe tum bulāte ho

batāo un meñ se kitne namak-halāl hue

hameñ tum ishq ke ādāb mat sikhāyā karo

isī ḳharābe meñ apne safed baal hue

shajar lagā.e the jin rāstoñ pe ham ne kabhī

musāfirat meñ vahī rāste muhāl hue

hameñ tū ishq ke ādāb mat sikhā 'dilbar'

isī ḳharābe meñ apne safed baal hue

bichhaD ke un se mile to kai sawal hue

bahut dinon se moattal the kab bahaal hue

wo ek chehra jo kal se nazar nahin aaya

hamein laga ki use dekhe kitne sal hue

badan ko dasht banaya hai is liye hum ne

jo dil mein aae the mashuq sab ghazal hue

hamare pas jise DhunDhte ho tum aa kar

zamane bit gae us ka intiqal hue

hamesha logon ko dawat pe tum bulate ho

batao un mein se kitne namak-halal hue

hamein tum ishq ke aadab mat sikhaya karo

isi KHarabe mein apne safed baal hue

shajar lagae the jin raston pe hum ne kabhi

musafirat mein wahi raste muhaal hue

hamein tu ishq ke aadab mat sikha 'dilbar'

isi KHarabe mein apne safed baal hue