bichhaDna mujhse to KHwabon mein silsila rakhna

bichhaḌnā mujh se to ḳhvāboñ meñ silsila rakhnā

dayār-e-zehn meñ dil kā diyā jalā rakhnā

palaT ke ā.eñge mausam to tum ko likkhūñgā

kitāb-e-dil kā varaq tum zarā khulā rakhnā

maiñ chāhtā huuñ vo āñkheñ jo roz miltī haiñ

kabhī to mujh se kahīñ ham pe aasrā rakhnā

badan kī aag se jhulse na jism rūhoñ kā

qarīb aa ke bhī tum mujh se fāsla rakhnā

udaas lamhoñ ke mausam guzar hī jā.eñge

kisī kī baat kā ab dil meñ kyā gila rakhnā

jo chal paḌe ho mare saath taptī rāhoñ par

kahīñ utaar ke phūloñ kī ye qabā rakhnā

bichhaDna mujh se to KHwabon mein silsila rakhna

dayar-e-zehn mein dil ka diya jala rakhna

palaT ke aaenge mausam to tum ko likkhunga

kitab-e-dil ka waraq tum zara khula rakhna

main chahta hun wo aankhen jo roz milti hain

kabhi to mujh se kahin hum pe aasra rakhna

badan ki aag se jhulse na jism ruhon ka

qarib aa ke bhi tum mujh se fasla rakhna

udas lamhon ke mausam guzar hi jaenge

kisi ki baat ka ab dil mein kya gila rakhna

jo chal paDe ho mare sath tapti rahon par

kahin utar ke phulon ki ye qaba rakhna