aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

bichhDe hain kab se qafila-e-raftagan se hum

Pandit Jagmohan Nath Raina Shauq

bichhDe hain kab se qafila-e-raftagan se hum

Pandit Jagmohan Nath Raina Shauq

MORE BYPandit Jagmohan Nath Raina Shauq

    bichhḌe haiñ kab se qāfila-e-raftagāñ se ham

    mil jā.eñge kabhī na kabhī kārvāñ se ham

    rah rah ke pūchhte haiñ yahī bāġhbāñ se ham

    le jaa.eñ chaar tinke kahāñ āshiyāñ se ham

    majbūr kis qadar haiñ dil-e-bad-gumāñ se ham

    dekhe koī ki chup haiñ khaḌe be-zabāñ se ham

    allāh re urūj-e-taḳhayyul ke hausle

    chal kar makāñ se baḌh ga.e kuchh lā-makāñ se ham

    bād-e-ḳhizāñ ne rañg-e-chaman kyā uḌā diyā

    āḳhir ko nikle ḳhāk-basar bostāñ se ham

    kis muñh se haath uThā.eñ duā.eñ haiñ be-asar

    phir bhī hai dil meñ chheḌ kareñ āsmāñ se ham

    vo mai pilā.ī saaqī ne haiñ jis se hosh-e-ġham

    jāgeñ na jāgeñ dekhiye ḳhvāb-e-girāñ se ham

    vo sarzamīñ kahāñ ki na ho gardish-e-falak

    mumkin nahīñ ki bach ke raheñ āsmāñ se ham

    āḳhir junūñ meñ mil ga.iiñ dāman dhajjiyāñ

    le aa.e un ko vādī-e-vahshat-nishāñ se ham

    kam-mā.egī meñ nāzil hai ijz-o-niyāz par

    ab kyā uThā.eñ sar ko tire āstāñ se ham

    kaisī chamak kahāñ khaTak uf re be-hisī

    haiñ mast zauq-e-lazzat-e-dard-e-nihāñ se ham

    majbūr dil thā hukm-e-qazā-o-qadar se 'shauq'

    ab kyā batā.eñ aa.e yahāñ phir kahāñ se ham

    bichhDe hain kab se qafila-e-raftagan se hum

    mil jaenge kabhi na kabhi karwan se hum

    rah rah ke puchhte hain yahi baghban se hum

    le jaen chaar tinke kahan aashiyan se hum

    majbur kis qadar hain dil-e-bad-guman se hum

    dekhe koi ki chup hain khaDe be-zaban se hum

    allah re uruj-e-taKHayyul ke hausle

    chal kar makan se baDh gae kuchh la-makan se hum

    baad-e-KHizan ne rang-e-chaman kya uDa diya

    aaKHir ko nikle KHak-basar bostan se hum

    kis munh se hath uThaen duaen hain be-asar

    phir bhi hai dil mein chheD karen aasman se hum

    wo mai pilai saqi ne hain jis se hosh-e-gham

    jagen na jagen dekhiye KHwab-e-giran se hum

    wo sarzamin kahan ki na ho gardish-e-falak

    mumkin nahin ki bach ke rahen aasman se hum

    aaKHir junun mein mil gain daman ki dhajjiyan

    le aae un ko wadi-e-wahshat-nishan se hum

    kam-maegi mein nazil hai ijz-o-niyaz par

    ab kya uThaen sar ko tere aastan se hum

    kaisi chamak kahan ki khaTak uf re be-hisi

    hain mast zauq-e-lazzat-e-dard-e-nihan se hum

    majbur dil tha hukm-e-qaza-o-qadar se 'shauq'

    ab kya bataen aae yahan phir kahan se hum

    Source:

    Payam-e-Shauq (Pg. 120)

    • Author: Jagmohan Nath Reena Shauq
      • Publisher: Nizami Press, Badaun
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now