bigaDta banta hua kaun ab ye KHwab mein hai

bigaḌtā bantā huā kaun ab ye ḳhvāb meñ hai

vo ho chukā hai mukammal to kyā hisāb meñ hai

kashīd kartā hai āsūdgī se aab kī dhaar

koī batā nahīñ saktā vo kis sarāb meñ hai

kañval kā phuul juuñ khiltā huā hai kīchaḌ meñ

usī tarah se vo mere dil-e-ḳharāb meñ hai

nashe kī lahr meñ dil hai yā dil meñ nashsha hai

kabhī to aap meñ hai dil kabhī sharāb meñ hai

fanā kī raah meñ kyā hai jo is jahāñ meñ nahīñ

jise ye 'ilm hai vo ahl-e-kāmyāb meñ hai

maiñ us ġhazal se abhī tak huuñ nā-rasā 'sānī'

vahī ġhazal jo sadā ho rahī ġhiyāb meñ hai

bigaDta banta hua kaun ab ye KHwab mein hai

wo ho chuka hai mukammal to kya hisab mein hai

kashid karta hai aasudgi se aab ki dhaar

koi bata nahin sakta wo kis sarab mein hai

kanwal ka phul jun khilta hua hai kichaD mein

usi tarah se wo mere dil-e-KHarab mein hai

nashe ki lahr mein dil hai ya dil mein nashsha hai

kabhi to aap mein hai dil kabhi sharab mein hai

fana ki rah mein kya hai jo is jahan mein nahin

jise ye 'ilm hai wo ahl-e-kaamyab mein hai

main us ghazal se abhi tak hun na-rasa 'sani'

wahi ghazal jo sada ho rahi ghiyab mein hai