bigDe dil donon the aise ki banae na bane

bigḌe dil donoñ the aise ki banā.e na bane

ġhair apne na hue apne parā.e na bane

jazb-e-dil raah nikāl aisī ki us bad-ḳhū ko

ġhair roke bhī to ghar mere bin aa.e na bane

tum vo ziddī ki jo rūTho to manā.e na mano

dil vo kam-baḳht jo bigḌe to banā.e na bane

is naqāhat kā burā ho ki vo jab sāmne aa.eñ

aañkh uThā.e na uThe hoñT hilā.e na bane

dil ko 'sultāñ' ke mohabbat ne vo baḳhshā hai asar

ki jahannum bhī jo chāhe to jalā.e na bane

bigDe dil donon the aise ki banae na bane

ghair apne na hue apne parae na bane

jazb-e-dil rah nikal aisi ki us bad-KHu ko

ghair roke bhi to ghar mere bin aae na bane

tum wo ziddi ki jo ruTho to manae na mano

dil wo kam-baKHt jo bigDe to banae na bane

is naqahat ka bura ho ki wo jab samne aaen

aankh uThae na uThe honT hilae na bane

dil ko 'sultan' ke mohabbat ne wo baKHsha hai asar

ki jahannum bhi jo chahe to jalae na bane