bigDi hui qismat ko badalte nahin dekha

Arsh Malsiyani

bigDi hui qismat ko badalte nahin dekha

Arsh Malsiyani

MORE BYArsh Malsiyani

    bigḌī huī qismat ko badalte nahīñ dekhā

    aa jaa.e jo sar par use Talte nahīñ dekhā

    kyuuñ log havā bāñdhte haiñ himmat-e-dil

    ham ne to use gir ke sambhalte nahīñ dekhā

    ham jaur bhī sah leñge magar Dar hai to ye hai

    zālim ko kabhī phūlte-phalte nahīñ dekhā

    ahbāb ye shān-e-harīfāna salāmat

    dushman ko bhī yuuñ zahr ugalte nahīñ dekhā

    ashkoñ meñ sulagtī huī ummīd ko dekho

    paanī se agar ghar koī jalte nahīñ dekhā

    har-dam mire dil ko jalātī raheñ aaheñ

    ghar ġhair lekin kabhī jalte nahīñ dekhā

    vo raah sujhāte haiñ hameñ hazrat-e-rahbar

    jis raah pe un ko kabhī chalte nahīñ dekhā

    ulfat meñ agar jaan nikal jaa.e to sach hai

    dil se magar armān nikalte nahīñ dekhā

    kyuuñ chāhne vāloñ se ḳhafā aap haiñ itne

    parvānoñ se yuuñ sham.a ko jalte nahīñ dekhā

    har ek ilāj-e-dil betāb hai be-sūd

    is ko to kisī taur bahalte nahīñ dekhā

    ai 'arsh' gunah bhī haiñ tire daad ke qābil

    tujh ko kaf-e-afsos bhī malte nahīñ dekhā

    bigDi hui qismat ko badalte nahin dekha

    aa jae jo sar par use Talte nahin dekha

    kyun log hawa bandhte hain himmat-e-dil ki

    hum ne to use gir ke sambhalte nahin dekha

    hum jaur bhi sah lenge magar Dar hai to ye hai

    zalim ko kabhi phulte-phalte nahin dekha

    ahbab ki ye shan-e-harifana salamat

    dushman ko bhi yun zahr ugalte nahin dekha

    ashkon mein sulagti hui ummid ko dekho

    pani se agar ghar koi jalte nahin dekha

    har-dam mere dil hi ko jalati rahen aahen

    ghar ghair ka lekin kabhi jalte nahin dekha

    wo rah sujhate hain hamein hazrat-e-rahbar

    jis rah pe un ko kabhi chalte nahin dekha

    ulfat mein agar jaan nikal jae to sach hai

    dil se magar arman nikalte nahin dekha

    kyun chahne walon se KHafa aap hain itne

    parwanon se yun shama ko jalte nahin dekha

    har ek ilaj-e-dil betab hai be-sud

    is ko to kisi taur bahalte nahin dekha

    ai 'arsh' gunah bhi hain tere dad ke qabil

    tujh ko kaf-e-afsos bhi malte nahin dekha

    Source
    • Book : Kulliyat-e-Arsh (Pg. 23)
    • Author : Arsh Malsiyani
    • Publication : Ali Imran Chaudhary
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY