bimar sa hai jism-e-sahar kanp raha hai
bīmār sā hai jism-e-sahar kaañp rahā hai
ye kis ne ujāloñ kā lahū chuus liyā hai
ai dost tirī yaad kā mahtāb-e-daraḳhshāñ
ab yaas kī ghanghor ghaTāoñ meñ chhupā hai
is daur meñ sunsān se haiñ bām-o-dar-e-zīst
naġhmoñ ne ḳhamoshī kā kafan oḌh liyā hai
sannāToñ ke kaf par mirī tasvīr banī hai
tanhā.ī ke āñchal pe mirā naam likhā hai
maiñ shahr kī jaltī huī saḌkoñ pe khaḌā huuñ
vo dasht meñ ḳhāroñ meñ mujhe DhūñD rahā hai
bimar sa hai jism-e-sahar kanp raha hai
ye kis ne ujalon ka lahu chus liya hai
ai dost teri yaad ka mahtab-e-daraKHshan
ab yas ki ghanghor ghaTaon mein chhupa hai
is daur mein sunsan se hain baam-o-dar-e-zist
naghmon ne KHamoshi ka kafan oDh liya hai
sannaTon ke kaf par meri taswir bani hai
tanhai ke aanchal pe mera nam likha hai
main shahr ki jalti hui saDkon pe khaDa hun
wo dasht mein KHaron mein mujhe DhunD raha hai
Source:
sheerazah (Pg. 62)
- Author: makhmoor saeedi,Parem Gopal Mittal
-
- Edition: 1973
- Publisher: P -K Publication 3072 Partap stareet gola Market -Daryaganj delhi-6
- Year of Publication: 1973
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
